ملوك القّل فـي إنتظاركم يا آل دقلو!!
الظهيرة- د. أحمد منصور المحامي:
⭕ملوك القل الآن قاعدين (يضقلو) بى آل دقلو وبى أذنابهم من بنى قحيط … طبعاً ملوك القل هم أسود الجيش السودانى …
وده طبعاً الجيش القايدو البرهان …
وزمان صاحب الدبوس قال ليكم ده البرهان ملك الطلس والتوهان …
وكمان ألف ليهو الأغنية المشهورة والتى تقول :
دو دو بى كده يا البرهون …
أها سمعتو كلامه الأخير …
قلنا ليكم أصبروا شوية الشغلانية ما بالزندية الشغلانية بالطلس والتوهانية وكمان بالطريقة البرهانية …
اعلموا يا جماعة بأن فى التأني السلامة وفى العجلة الندامة …
العدو كاذب ومنافق ودجال ومراوغ ومدعوم خارجياً بالمنظمات الضلالية وداخلياً بحاضنة سياسية تسمى بالحرية والتغيير المركزية وكمان مدعوم بدولة عربية إماراتية شيطانية وبنى قحيط لا تقل عن المتمردين كثيراً بأى حال من الأحوال بل تزيد عليهم بخيانتها وعمالتها وغباءها وبلادتها …
لذلك كانت البلد تحتاج لثعلب ماكر وطلاس يستطيع اللعب بالثلاث ورقات وكذلك اللعب بالبيضة والحجر فظهر لكم البرهان ملك الطلس والتوهان رخى للجماعة الحبل وعمل فيها حميل تب …
والجماعة صدقوهو لمن شربهم (الكازوزة) …
أولاد أم ذقدة …
خلاص يا خونة زمانكم فات وغنايكم مات …
إلى مزبلة التاريخ السياسى أيها القتلة …
إلى مزبلة التاريخ السياسى أيها السفلة …
إلى مزبلة التاريخ السياسى أيها المغتصبون …
إلى مزبلة التاريخ السياسى يا دعامة ويا قحاطة …
غايتووو …
يا قحاطة العملتوها إنتو فى البلد دى وفى الشعب السودانى يمرقها منهم رب العباد بداية من مظاهراتكم …
ومروراً بى فترة حكمكم ورغيفكم العفن داك … وختاماً بحربكم هذه وتضامنكم مع المتمردين والمخربين والسراقين والنهابين ومع مستعمرى البلاد …
… أخيراً …
الليلة البشائر جااات بالعزة والفرحة … جيشكم العظيم متقدم الآن فى جميع المواقع فى ولاية الخرطوم …
وأى معركة وإلتحام من الدعم وجناحها السياسى الحرية والتغيير لا يستمر أكثر من ثلاث دقائق فقط وبعدها نرى الصقور تحلق فى السماء لإلتهام جثث بنى دعيم وبنى قحيط المستنفرين …
أن فوقهم بقول كلام دخلوها وصقيرها حااام …
كلينق مبارينا بفتش الرمة …
مرفعين الخلا أكل لمن طمه …
هوووووى يا حبايبنا يا ناس العاصمة الخرطوم …
ارجعوا لينا سريع نحن مشتاقين ليكم كتييييير …
عشان ننظف الأوساخ والقازورات من البيوت والطرقات …
اللهم انصر جيش البلاد والقوات النظامية الأخرى …
اللهم ثبت أقدامهم وسدد رميتهم …
اللهم اقذف الرعب والخوف فى قلوب أعداءهم من الدعامة والقحاطة …
اللهم آمين يارب العالمين …
